Transcription
1
Monsieur, hier, par une mienne, je vous feis entendre tout ce que je vous pouvois dire de
2
noz voysins, et ne saurois à présent en responce de la votre du neufiesme que je viens de recevoir
3
que vous réitérer le mesme, qui est en somme que depuis avoir escrit et envoyé vers le
4
gouverneur de Milan (parce qu’il se veoit et peult entendre), ilz se vont quiétant, et tendent
5
plus tost à se conserver et vivre en paix que à nous voulloir fascher et faire la guerre. Pour
6
le moings, il n’y a poinct d’apparence du contraire, comme j’ay faict entendre par
7
mes deux dernières dépesches à sa majesté, à laquelle je remetz puis à faire des choses
8
siennes comme bon luy semblera et plaira. Voullant bien dire néantmoings là-dessus
9
qu’il ne fault poinct faire penser de conduyre gens par deça s’ilz ne sont payez et
10
s’ilz n’ont moyen de vivre pour les raisons que je vous ay escrittes par autres miennes
11
dont je ne vous feray icy reditte. Je viens de recevoir présentement des novelles qu’a eues
12
l’ambassadeur de Venise résidant près monsieur de Savoye, desquelles je vous fait part
13
avec mes bien affectionnées recommandations à votre bonne grâce, priant le Créateur qu’il
14
vous doint sur ce
15
Monsieur en santé bonne, longue et contente vie. De Saluces, le XIIe
16
jour de juillet 1572
17
Votre bien affectionné à vous faire service
18
Lodovico Birago